ءَاَنْذَرْتَھُمْ

اَلنَّذْرُ:کے معنی کسی حادثہ کی وجہ سے غیرواجب چیز کو اپنے اوپر واجب کرلینے کے ہیں۔چنانچہ محاورہ ہے۔نَذَرْتُ ﷲ نَذْرَا:میں نے اﷲ تعالیٰ کے لئے نذر مانی قرآن پاک میں ہے:۔ (اِنِّیۡ نَذَرۡتُ لِلرَّحۡمٰنِ صَوۡمًا) (۱۹۔۲۶) میں نے خدا کے لئے روزے کی نذر مانی ہے۔ (وَ مَاۤ اَنۡفَقۡتُمۡ مِّنۡ نَّفَقَۃٍ اَوۡ نَذَرۡتُمۡ مِّنۡ نَّذۡرٍ) (۲۔۲۷۰) اور تم خدا کی راہ میں جس طرح کا خرچ کرو یا کوئی نذر مانو۔اَلْاِنْذَارُ کے معنی کسی خوفناک چیز سے آگاہ کرنے ہیں۔ اور اس کے بالمقابل تَبْشِیْرٌ کے معنی کسی اچھی بات کی خوشخبری سنانے کے ہیں۔قرآن پاک میں ہے:۔ (فَاَنۡذَرۡتُکُمۡ نَارًا تَلَظّٰی ) (۹۲۔۱۴) سو میں نے تم کو بھڑکتی آگ سے متنبہ کردیا۔ (اَنۡذَرۡتُکُمۡ صٰعِقَۃً مِّثۡلَ صٰعِقَۃِ عَادٍ وَّ ثَمُوۡدَ ) (۴۱۔۱۳) میں تم کو کیسے چنگھاڑ (کے عذاب) سے آگاہ کرتا ہوں جیسے عاد اور ثمود پر چنگاڑ (عذاب) آیا تھا۔ (وَ اذۡکُرۡ اَخَا عَادٍ ؕ اِذۡ اَنۡذَرَ قَوۡمَہٗ بِالۡاَحۡقَافِ) (۴۶۔۲۱) اور قوم عاد کے بھائی ہود علیہ السلام کو یاد کروکہ جب انہوں نے اپنی قوم کو سرزمیں احقاف (ہدایت کی) اور اﷲ کے عذاب سے ڈرایا۔ (وَ الَّذِیۡنَ کَفَرُوۡا عَمَّاۤ اُنۡذِرُوۡا مُعۡرِضُوۡنَ) (۴۶۔۳) اور کافروں کو جس چیز کی نصیحت کی جاتی ہے اس سے منہ پھیر لیتے ہیں (لِّتُنۡذِرَ اُمَّ الۡقُرٰی وَ مَنۡ حَوۡلَہَا) (۴۲۔۷) یعنی مکے کے رہنے والوں اور جو لوگ اس کے اردگرد رہتے ہیں ان کو راستہ دکھاؤ۔ (وَ تُنۡذِرَ یَوۡمَ الۡجَمۡعِ) (۴۲۔۷) اور انہیں قیامت کے دن کا بھی خوف دلاؤ۔ (لِتُنۡذِرَ قَوۡمًا مَّاۤ اُنۡذِرَ اٰبَآؤُہُمۡ ) (۳۶۔۶) تاکہ تم ان لوگوں کو جن کے باپ دادا کو متنبہ نہ کیا گیا تھا متنبہ کردو۔ اَلنَّذِیْرُ کے معنی مُنْذِر یعنی ڈرانے والا ہیں اور اس کا اطلاق ہر اس چیز پر ہوتا ہے جس میں خوف پایا جائے خواہ وہ انسان ہو یا کوئی اور چیز۔چنانچہ قرآن پاک میں ہے:۔ (وَ مَاۤ اَنَا اِلَّا نَذِیۡرٌ مُّبِیۡنٌ ) (۴۶۔۹) اور میرا کام تو علانیہ ہدایت کرنا ہے۔ (وَ جَآءَکُمُ النَّذِیۡرُ) (۳۵۔۳۷) اور تمہارے پاس ڈرانے والا بھی آیا۔ (نَذِیۡرًا لِّلۡبَشَرِ) (۷۴۔۳۶) اور بنی آدم علیہ السلام کے لئے موجب خوف ہے۔ (اِنِّیۡ لَکُمۡ نَذِیۡرٌ مُّبِیۡنٌ ) (۱۱۔۲۵) میں تم کو کھول کھول کر ڈر سنانے والا آیا ہوں۔ (اِنِّیۡۤ اَنَا النَّذِیۡرُ الۡمُبِیۡنُ ) (۱۵۔۸۹) کہ میں تو اعلانیہ ڈر سنانے والا ہوں اور نَذِیْرٌ کی جمع نُذُرٌ آتی ہے جیسے فرمایا: (ہٰذَا نَذِیۡرٌ مِّنَ النُّذُرِ الۡاُوۡلٰی) (۵۳۔۵۶) یہ محمدﷺ بھی اگلے ڈر سنانے والوں میں سے ایک ڈر سنانے والے ہیں۔یعنی انہی کی جنس سے ہے جن کے ساتھ پہلے لوگوں کو ڈرایا گیا۔نیز فرمایا۔ (کَذَّبَتۡ ثَمُوۡدُ بِالنُّذُرِ) (۵۴۔۲۳) قوم ثمود نے بھی ہدایت کرنے والوں کو جھٹلایا۔ (وَ لَقَدۡ جَآءَ اٰلَ فِرۡعَوۡنَ النُّذُرُ ) (۵۴۔۴۱) اور قوم فرعون کے پاس بھی ڈر سنانے والے آئے (فَکَیۡفَ کَانَ عَذَابِیۡ وَ نُذُرِ) (۵۴۔۱۶) سو (دیکھ لو کہ) میرا عذاب اور ڈرانا کیسا ہوا۔ نَذَرْتُ:کسی چیز کو جان کر اس سے چوکس رہنے کے معنی ہیں۔