انْتَهَوْا

اَلنَّھْیُ:کسی چیز سے منع کردینا۔قرآن پاک میں ہے:۔ (اَرَءَیۡتَ الَّذِیۡ یَنۡہٰی عَبۡدًا اِذَا صَلّٰی ) (۹۶۔۹،۱۰) بھلا تم نے اس شخص کو دیکھا جو منع کرتا ہے (یعنی) ایک بندے کو جب وہ نماز پڑھنے لگتاہے۔معنوی لحاظ سے نہی بالقول اور بالفعل میں کوئی فرق نہیںہے اور نہی بالقول عام ہے کہ صیغہ اِفْعَلْ کے ذریعہ ہو جیسے اِجْتِنِبْ کَذَا (اس سے دور رہو) یا صیغہ لَاتَفْعَلْ کے ذریعہ ہو لیکن لفظی لحاظ سے صرف ’’لَاتَفْعَلْٗٗکو نہیں ہے۔پس صیغہ لَاتَفْعَلْ لفظاً ومعنی دونوں لحاظ سے نَھْیٌ ہوگا۔جیسے فرمایا:۔ (وَ لَا تَقۡرَبَا ہٰذِہِ الشَّجَرَۃَ ) (۲۔۳۵) لیکن اس درخت کے پاس نہ جانا۔اسی بنا پر شیطان نے کہا تھا۔ (مَا نَہٰکُمَا رَبُّکُمَا عَنۡ ہٰذِہِ الشَّجَرَۃِ ) (۷۔۲۰) کہ تم تمہارے پروردگار نے اس درخت سے صرف اس لئے منع کیا ہے اور آیت کریمہ:۔ (وَ اَمَّا مَنۡ خَافَ مَقَامَ رَبِّہٖ وَ نَہَی النَّفۡسَ عَنِ الۡہَوٰی) (۷۹۔۴۰) اور جو اپنے پروردگار کے سامنے کھڑے ہونے سے ڈرتا اور جی کو خواہشوں سے روکتا رہا۔میں نَھْیٌ سے نفس کو شہوات سے روکنا اور ان کے قصد سے دفع کرنا مراد ہے نہ کہ زبان سے صرف لَاتَفْعَلْ کہہ دینا۔اسی طرح نَھْی عَنِ الْمُنْکَرِ بھی عام ہے جوکہ ہاتھ اور زبان کے ساتھ روکنے اور دل سے برا سمجھنے کو شامل ہے۔قرآن پاک میں ہے:۔ (اَتَنۡہٰنَاۤ اَنۡ نَّعۡبُدَ مَا یَعۡبُدُ اٰبَآؤُنَا) (۱۱۔۶۲) کیا تم ہم کو ان چیزوں کے پوجنے سے منع کرتے ہو جن کو ہمارے بزرگ پوجتے آئے ہیں؟اور آیت کریمہ:۔ (اِنَّ اللّٰہَ یَاۡمُرُ بِالۡعَدۡلِ وَ الۡاِحۡسَانِ وَ اِیۡتَآیِٔ ذِی الۡقُرۡبٰی وَ یَنۡہٰی عَنِ الۡفَحۡشَآءِ) (۱۶۔۹۰) خدا تم کو انصاف اور احسان کرنے اور رشتہ داروں کو (خرچ سے مدد) دینے کا حکم دیتا ہے اور بے حیائی اور نامعقول کاموں سے منع کرتا ہے۔میں اﷲ تعالیٰ کے امرونہی سے امر خیر کی ترغیب دینا اور شر سے روکنا مراد ہے اور یہ ممانعت بعض امور سے عقل کے ذریعے کی ہے جو اﷲ تعالیٰ نے ہم میں ودیعت کی ہے جو اﷲ تعالیٰ نے ہم میں ودیعت کی ہے اور بعض کاموں سے بذریعہ شریعت کے منع فرمادیا ہے جو ہمارے لئے مقرر فرمائی ہے۔ اَلاِنْتِھَائُ:کسی ممنوع کام سے رک جانا قرآن پاک میں ہے۔ (قُلۡ لِّلَّذِیۡنَ کَفَرُوۡۤا اِنۡ یَّنۡتَہُوۡا یُغۡفَرۡ لَہُمۡ مَّا قَدۡ سَلَفَ) (۸۔۳۸) (اے پیغمبر) کفار سے کہہ دو کہ اگر وہ اپنے افعال سے باز آجائیں تو جو ہوچکا وہ انہیں معاف کردیا جائے گا۔ (لَئِنۡ لَّمۡ تَنۡتَہِ لَاَرۡجُمَنَّکَ وَ اہۡجُرۡنِیۡ مَلِیًّا) (۱۹۔۴۶) اگر تو باز نہ آئے گا تو میں تجھے سنگسار کردوں گا اور ہمیشہ کے لئے مجھ سے دور ہوجا۔ (لَئِنۡ لَّمۡ تَنۡتَہِ یٰنُوۡحُ لَتَکُوۡنَنَّ مِنَ الۡمَرۡجُوۡمِیۡنَ) (۲۶۔۱۱۶) کہ نوح علیہ السلام اگر تم باز نہ آؤ گے تو سنگسار کردیئے جاؤگے۔ اور آیت کریمہ:۔ (فَھَلْ اَنْتُمْ مُّنْتَھُوْنَ) (۵۔۹۱) تو تم کو ان کاموں سے باز رہنا چاہیئے۔ (فَمَنۡ جَآءَہٗ مَوۡعِظَۃٌ مِّنۡ رَّبِّہٖ فَانۡتَہٰی فَلَہٗ مَا سَلَفَ) (۲۔۲۷۵) تو جس شخص کے پاس خدا کی نصیحت پہنچی اور وہ سود لینے سے باز آگیا تو جو پہلے ہوچکا وہ اس کا۔میں فَانْتَھٰی کے معنی اس کی نہایت کوپہنچنے یعنی رک جانے کے ہیں۔ اَلْاِنْھَائُ:اصل میں اس کے معنی نھایۃ کو پہنچادینے کے ہیں پھر عرف میں مطلقا کسی خبر کے پہنچادینے پر بولا جاتا ہے جیسے:اَنْھَیْتُ اِلٰی فُلانٍ خَبَرَ کَذَا:میں نے اس کے پاس فلاں خبر پہنچادی۔ نَاھِیْکَ مِنْ رَجُلِ:فلاں آدمی تجھے کافی ہے یعنی وہ تیرے مطلوب کی غایت ہے گویا کسی دوسرے کی طلب سے تجھے منع کرتا ہے۔نَاقَۃٌ نِھْیَۃٌ:انتہائی موٹی اونٹنی۔ اَلنُّھْیَۃُ:عقل جو انسان کو قبیح باتوں سے روکتی ہو اس کی جمع نُھی آتی ہے۔قرآن پاک میں ہے:۔ (اِنَّ فِیۡ ذٰلِکَ لَاٰیٰتٍ لِّاُولِی النُّہٰی) (۲۰۔۵۴) بے شک ان (باتوں) میں عقل والوں کے لئے (بہت سی) نشانیاں ہیں۔ تَنْھِیَۃُ الْوَادِیْ:وادی کا آخری کنارہ جہاں کہ سیلان رک جاتا ہے۔نِھَایَۃُ النَّھَارِ دن کا بلند ہونا۔ طَلَبَ الْحَاجَۃَ حَتّٰی نَھِیَ عَنْھَا:اس نے اپنی حاجت کو طلب کیا حتیٰ کہ اس کی طلب کرنے کے بعد اس سے رک گیا اور اس میں کامیاب ہونا شرط نہیں ہے۔