يَنْفَعُھُمْ

اَلنَّفْعُ:ہر اس چیز کو کہتے ہیں جس سے خیرات تک رسائی کے لئے استعانت حاصل کی جائے یا وسیلہ بنایا جائے پس نفع خیر کا نام ہے اور اس کی ضد ضَرّ ہے۔قرآن پاک میں ہے:۔ (وَ لَا یَمۡلِکُوۡنَ لِاَنۡفُسِہِمۡ ضَرًّا وَّ لَا نَفۡعًا) (۲۵۔۳) اور نہ اپنے نقصان اور نفع کا کچھ اختیار رکھتے ہیں۔ (قُلۡ لَّاۤ اَمۡلِکُ لِنَفۡسِیۡ نَفۡعًا وَّ لَا ضَرًّا) (۷۔۱۸۸) کہہ دو کہ میں اپنے فائدے اور نقصان کا کچھ بھی اختیار نہیں رکھتا۔ (لَنۡ تَنۡفَعَکُمۡ اَرۡحَامُکُمۡ وَ لَاۤ اَوۡلَادُکُمۡ) (۶۰۔۳) نہ تمہارے رشتے ناتے کام آئیں گے اور نہ اولاد۔ (وَلَا تَنْفَعُ الشَّفَاعَۃُ) (۳۴۔۲۳) اور خدا کے ہاں (کسی کے لئے) سفارش فائدہ نہیں دے گی۔ (وَ لَا یَنۡفَعُکُمۡ نُصۡحِیۡۤ ) (۱۱۔۳۴) تو میری خیر خواہ ہی تم کو کچھ فائدہ نہیں دے سکتی۔وَغَیْر ذالک من الایَاتِ یعنی اس قسم کی متعدد آیات ہیں۔